أنا هى أنا .
مايهوى قلبى جروح.
ماتحب روحى النوح.
كل الحكايه .
وأبسط روايه.
روحى بتروح لروحى تبوح.

فى قلوب كده .
خالقها ربنا.
تنشر طراوه حنينه.
حتى ...فى عز الشتا

ورق كتير مليان حروف مشوفتهاش.
حبر الورق بهت وراح.
ضاع الكلام ..يمكن كده زاد البراح.
ماهو ده كلام لو كان فضل ...ماهيتنساش

تعجز الحروف أحيانا وربما تتوارى خجلا

غزل خيوطها البنفسجيه بملآ فجوات مابين الحلم واليقظه

سحقا لــ نطق لا يبوح

أطرد أشباحك من جواك.
حرر نفسك.
إسمع قلبك .
إخلص من أوهام سكناك.
فك وهم قيود أسراك ..

تقرأه همسا ...ويناجيها صمتا

إإإذا لم أرانى وبصوره واضحه فى مرأتى ..لن تدركنى مرأة الاخرين

ستظل حاضرا فى غيبة القلب وحضوره

منذ أن كفت عن ملاحقة أخباره وتتبع حروفه أيقنت أنها الان ...بخيـــر

شـــخبطه,,, وبس (المحصـــله صــفر )

عندى صداع قاتل من لحظة ماسمعت خبر وفاة حسام .
حسام هو أحد أصدقائى على الفيس بوك ..عمرى ماشفته فى الحياه الحقيقيه وكان تواصلنا من خلال الحياه الافتراضيه ومع ذلك فهو الحقيقى واحنا افتراضيون ...ومش عارفه انى مشوفتوش ده سوء حظ ولا حسن حظ لكنه اكيد رحمة ربنا بيه .
خبر وفاته أصابنى بطعنه فى قلبى .
مش المره الاولى ولا الاخيره لفراق أحباب وأصحاب .
حسام كان ثورى حقيقى ومش تايوانى ..ثورى من أيام قتل خالد سعيد على أيد الداخليه .
كان كله امل فى مصر بكره وكان جواه شجاعه وحماس مكنتش بفهمهم .
لكنه فى الايام الاخيره كان واضح معاناته من اكتئاب مش عارفه سببه ..ربما مشاكل مش لاقى لها حلول وربما صدمه عاطفيه ..ربما وربما وربما .
حامل هم بكره لكن ..بكره حسام ماجاش .
ضيعت وقت كتير ياصاحبى على حاجات ماتستاهلش وناس ماتستاهلش ومعرفتش تعيش يومك .
من لحظه ماعيونا بتفتح الصبح ويمكن كمان واحنا نايمين بنفكر ونشيل الهموم وبنعانى من حاجات يمكن ماتحصلش او يمكن كمان مانلحقش نعيشها زى حسام .
مش كفايه بقى كدب وحروب وأكل فى بعض وغرور وتعالى وشيل هم  وكره وأسفنه ومكايد وحقد وحسد وقلوب سودا ؟؟؟.
يابشر ...المحصله صفر ...........وبس

شـــخبطه ...وبس ( أبوهم كلهم )

زى الحياه ماهى مراحل فى كل حاجه فى حياتنا .
هى مراحل كمان فى الاهتمام بالاخرين وبأرائهم فى شخصياتنا وتصرفاتنا .
المرحله الاولى ..بنحب الناس تهتم بينا وتحس بوجودنا واحنا كمان بنهتم بيهم .
المرحله التانيه ..نعمل الف حساب لرأى اللى حوالينا فينا ونحاول نرضيهم على حساب نفسنا وراحتنا .
المرحله التالته ..مناقشة الذات والسؤال اللى دايما بيصدعنا ..مين فينا الصح ؟.
المرحله الرابعه ..لا يهم اى شىء لا رأيهم ولا ردود فعلهم ولا حتى أفعالهم .المهم نعمل اللى يريحنا ويرضينا ...

الرابعه دى انا سميتها مرحلة ..أبوهم كلهم .
ويسعدنى الاعتراف إنى فى مرحلة  ..أبوهم كلهم .........وبس

شـــخبطه ...وبس ( يوم ســخيف 21-3 )

من أول مايبتدى شهر مارس والكأبه بتسيطر على روحى والدموع بتبقى أقرب .
نجحت سنين انى اعمل نفسى مش واخده بالى من احتفالية يوم عيد الام لكن فشلت سنين أكتر .
كل حاجه بتطاردك فى الايام اللى بتسبق الاحتفال واليوم نفسه.
تليفزيون .محلات .شوارع ..اغنية ست الحبايب والهدايا والورود .
كرهت النزول فى اليوم ده من بيتى وكرهت كمان القعاد فيه .
زمان وانا طفله فى ابتدائى كنت بلمح نظره مش فاهماها ولا حاساها فى عيون بعض زميلاتى من المدرسه .
حتى صباح يوم فقد أمى .......سكنت النظره عيونى .
مش بحب  النكد ولا بنكش عليه ..
لكنه يوم ســـخيف 21-3 .........وبس .

شـــخبطه ...وبس (الدنيا لسه فيها ناس حلوه اوى )

النهارده قررت انى اكتب كل حاجه تعدى عليه تمس قلبى او عقلى .
حاجه تخصنى او تخص حد قريب منى او حتى مش قريب بس حسيته .
ولان الكتابه هتكون عشوائيه منطلقه وبدون ترتيب منمق ولا التزام بفصحى او عاميه .
سميتها شـــخبطه ...شــخبطه وبس .
ممكن تكون يوميات او مش يوميات ...لكن مش قصة حياه .
أول شخبطه حصلت إمبارح ..موقفين .
الاول ...عن بنت شابه زى القمر وفى منتهى الذوق والادب كانت بتدور لوالدها المريض بمرض عضال على دوا ومش متوفر اوى .
ولانى امتهن مهنه انسانيه كما يدعون شاء القدر انى اقابلها .
وفرت لها اللى قدرت عليه منى ومن حبايبى ومعارفى .
مش هو ده الموقف اللى أسرنى لكن اللى مس قلبى اوى لما لقيتها بعد ساعتين جايالى علشان تشكرنى .
رغم انى مكنتش منتظره زيارتها دى .
لكن رجوعها وفقط لشكرى وملامح وشها الممتن خلتنى قولت فى سرى ...الدنيا لسه فيها ناس حلوه اوى .
الموقف التانى .
طفله تعبانه جدا وسخنه نار ودموع وعيون دبلانه من دور برد عنيف  جايه مع والدتها .
المهم انى قمت بواجبى المعتاد ووظيفتى كما يطلقون عليها الانسانيه وصرفت دوا للطفله .
برضه مش ده الموقف اللى هز قلبى .
اللى حصل بعدها هو المهم .
بعد ساعه تقريبا دخلت البنت وكلها حيويه بتجرى عليه وبتاخدنى بالحضن وقالتلى ..
ميرسى ياطنط انك خففتينى بحضن دافى اوى .
لسه الدنيا فيها ناس حلوه اوى ....وبس .

نظره أخيـــره

يأتى صباحها كالمعتاد
تحتسى قهوتها
وتأتى لحظاتها الحاسمه
تلجأ لصديقتها التى تعينها على بداية يومها ..المرأه
تسترد ضحكتها منها كل صباح
ترسم بالالوان البهجه على ملامحها
تنظر نظره أخيره ...وترحل

ترانزيـــت

فى غفله من زمنها الحاضر وسبات قلبها الاختيارى. رحل بها الى اللازمن.
ماض لم يسكنه ومستقبل لن يسكنه.تنطق حروفها فــ ينسج عبارات ويضع الفواصل والنقاط.ليصبحا معا جمله مفيده.يــ مطرها بقطرات من عشق...تكفيها.هامسا فى أذنها ...عيونى ستفضحنى وعيون الاخرين ستحسدنى.راقصها بــ فستانها الاسود الذى لم ترتديه بعد.أهداها ورود ..لم تأت.سلب عقلها بــ مفاجأت ..لم تحدث.تعاند قدرها معه فــ يعاندها ويزيد وصالهما.لم يعلنها ..ولم تعلنها .كلاهما يطير عكس الريح ..ربما لهذا تقابلا.تبادلا خلع الاقنعه ..دونما مراسم أو طقوس.فــ حواسهما معا مطلقة السراح.هو إحساس كـــ صدق الاحتضار لـــكنه ...ترانزيت

ســر

ماهو سرك ؟
أجدك دائما حاضره أينما كنت وحيثما كنت

محاوره ولست مجادله
مستوعبه
تهدينى مزاج رائع دون أن تنتظرى المقابل
تحتوينى وانت بين أحضان كفى ...

ستــظل هناك كلمات لا ولن تسكن سطور حديثــى معك

تســـــــابيح

تشدو تسابيحها الليليه
فــ يحمل عطرها ذبذبات قلبها حيث يسكن ..قمرها

وجود مساحه من الخصوصيه تفصلنا عن من نحب ..تفتح للعشق نافذه جديده دائــما

قرار تنحــى

لماذا يلح علينا قرار التنحى مرارا فى وقت من إوقات حياتنا ؟وأعنى بالتنحى هنا هو الانسحاب من علاقه تربطنا بشخص أو أشخاص فى حياتنا ..الانسحاب من علاقة حب أو صداقه أو اى نوع من العلاقات...لم نطوى صفحه فى كتابنا ؟وكيف تأتينا شجاعة القرار ؟...قرارنا بالانسحاب ليس رد فعل لفعل واحد وإنما هو رد فعل لافعال..ليس وليد اللحظه وإنما نتاج تفكير وبحث ساعات وأيام ..ليس لحظة إنفعال طفوليه لاننا قد تخطينا مرحلة الطفوله والعبث ..وإنما هو تحرر للنفس من مخزون إنفعال كاد ان يفتك بنا.. هو أنقاذ لكرامه غير مسموح المساس بها ..العيش بكرامه أو الموت.. هو إعادة توازن للنفس التى يمكن أن يكون قد أصابها بعض الخلل من الضغط العصبى لفتره ليست بقصيره.. هو الترفع عن نقاشات لا جدوى منها ..هو البعد عن من لا يقدرنا حق قدرنا أو يتناسى هذا القدر..... وأخيرا هى وجهة نظرى الشخصيه جدا ..قد تتفق أو تختلف ولكن مايسطر قلمى هو أنا

فلسفه مختلفه

فى الشتاء .
أمسيات بطعم الحنين .
هاجس الذكريات يراوغنا .
قلوب تبحث عن الدفىء .
ف للشتاء فلسفه مختلفه

كـلمات متقاطعه

دعنى أراك بــ قلبى .
.......................................
من يريد أن يرى ألوان قوس قزح..فليتحمل النوات وتبعاتها .
........................................
راجع نفسك وغير مكان إنتظارك .
لا تلوم الاخرين لعدم الوصول إليك ..فربما تكون منتظر فى المكان الخطأ .
........................................
كلما تباعدت المسافه بينى وبينى ..أجدك فى المنتصف .
........................................
وللغياب فنون .
.......................................
دائما مانفكر فى النهايات ونحن فى البدايات ..فنعكر صفو لحظاتنا الاولى .
.......................................
تمنيت أن أتعلم فن الذوبان من الالوان .
.......................................
أكتبك ...حتى لا تتوه بقايا ذكراك فى غياهب النسيان .
......................................
تسطر أقلامنا الكثير من الحروف والكلمات ولكن تظل هناك كلمات لا تجد للحروف سبيلا .
......................................
فقط..لو تخبرنى سر جاذبية مدارك .
......................................
يباغتها حنين فقد سذاجته .
......................................
لنستعين بلحظات الحب الللامحسوبه فى عمرنا على اللحظات الثقيله المحسوبه .
......................................
يتكلمون عنها بكثره .
يلومونها بشده .
ويقلدونها بمنتهى الدقه .

يسكنها وتسكنه .
تاره يسيطر على عقلها وقلبها وتطيعه .
تاره أخرى ترفض كل أفكاره ..فتنبذه .
هو ذلك الكائن الخرافى الرقيق أحيانا والقاسى أحيانا أخرى .
ولكنها ..لا تستطيع العيش بدونه .

كـلمات متقاطعه

وتبقى دائما هناك أماكن ...تنتظرنا .
...............................................
ألوان قوس قزح تغمر أرواحنا ولكن يتألق لون واحد ...لكل حاله تتملكنا .
...............................................
يدهشها رحيله من ذاكرتها الحاليه وبقائه فى ذاكرتها ...المؤجله .
...............................................
كفانا إرتداء أقنعه ..فلنجعل ملامحنا الحقيقيه تعبر عنا .
...............................................
كن وطن لكل قلب أحبك.
كن حضن لمن لجأ إليك .
كن وكن وكن ..حتى لانعانى الاغتراب .
...............................................
إحذر من علو جدار الغياب ..ربما لاحقا لاأراك .
...............................................
دعنى أراك بقلبى .
...............................................
كلما تباعدت المسافه بينى وبينى ..أجدك فى المنتصف .
...............................................
وللغياب فنون .